នាថ្ងៃទី២ ខែកញ្ញា ឆ្នាំ២០២៦ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., អគ្គលេខាធិការដ្ឋាននៃ អ.ដ.ក. បានទទួលស្វាគមន៍ដំណើរទស្សនកិច្ចសិក្សារបស់ គណៈប្រតិភូ និងនិស្សិតនៃសាកលវិទ្យាល័យ ប៊ែលធី អន្តរជាតិ នៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ ចំនួនប្រមាណ ២០០ នាក់។
នាថ្ងៃទី២ ខែកញ្ញា ឆ្នាំ២០២៦ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., អគ្គលេខាធិការដ្ឋាននៃ អ.ដ.ក. បានទទួលស្វាគមន៍ដំណើរទស្សនកិច្ចសិក្សារបស់ គណៈប្រតិភូ និងនិស្សិតនៃសាកលវិទ្យាល័យ ប៊ែលធី អន្តរជាតិ នៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ ចំនួនប្រមាណ ២០០ នាក់។
ដំណើរទស្សនកិច្ចសិក្សានេះ ត្រូវបានរៀបចំឡើងក្នុងគោលបំណងឱ្យនិស្សិតដែលកំពុងសិក្សាក្នុងមហាវិទ្យាល័យសេដ្ឋកិច្ច និងមហាវិទ្យាល័យច្បាប់ នៃសាកលវិទ្យាល័យ ប៊ែលធីអន្តរជាតិ បានសិក្សាឈ្វែងយល់បន្ថែមអំពី បេសកកម្ម និងនីតិវិធីដោះស្រាយវិវាទក្រៅប្រព័ន្ធតុលាការ របស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលជាស្ថាប័នជាតិថ្មីមួយ និងជាយន្តការបំពេញបន្ថែមឱ្យប្រព័ន្ធដោះស្រាយវិវាទបច្ចុប្បន្ននៅកម្ពុជា។
ក្នុងដំណើរទស្សនកិច្ចសិក្សានេះដែរ ក្រៅពីបានស្តាប់នូវបទបង្ហាញអំពីស្ថាប័ន អ.ដ.ក. ដោយតំណាងនៃអគ្គលេខាធិការដ្ឋាននៃ អ.ដ.ក. និស្សិតទាំងអស់ក៏បានទស្សនាស្វែងយល់ពីកិច្ចដំណេីរការសម្រុះសម្រួលវិវាទនៅទីតាំងផ្ទាល់ផងដែរ។
