ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ និងជាសមាជិកអាជ្ញាធរជាតិដោះស្រាយវិវាទក្រៅប្រព័ន្ធតុលាការ តាមការចាត់តាំងរបស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានអញ្ជើញជាវាគ្មិនកិត្តិយសក្នុងកម្មវិធីវេទិកាពិភាក្សាស្តីពី "យន្តការមជ្ឈត្តការ និងសន្ធានកម្មនៅប្រទេសកម្ពុជា"
នាព្រឹកថ្ងៃព្រហស្បតិ៍ ៦ រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ និងជាសមាជិកអាជ្ញាធរជាតិដោះស្រាយវិវាទក្រៅប្រព័ន្ធតុលាការ តាមការចាត់តាំងរបស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានអញ្ជើញជាវាគ្មិនកិត្តិយសក្នុងកម្មវិធីវេទិកាពិភាក្សាស្តីពី "យន្តការមជ្ឈត្តការ និងសន្ធានកម្មនៅប្រទេសកម្ពុជា" ដែលសហការរៀបចំដោយមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម និងសមាគមសភាពាណិជ្ជកម្មអឺរ៉ុបប្រចាំកម្ពុជា។ កម្មវិធីនេះ ត្រូវបានរៀបចំឡើង ក្នុងគោលបំណងបង្កជាឱកាសនៃការជួបជុំពីសំណាក់ អ្នកជំនាញផ្នែកមជ្ឈត្តការ និងសន្ធានកម្មជាតិ-អន្តរជាតិ ដើម្បីធ្វើការចែករំលែកបទពិសោធន៍ និងកិច្ចពិភាក្សាអំពីបច្ចុប្បន្នភាពនៃយន្តការអនុវត្ត និងយន្តការស្ថាប័ន សំដៅធ្វើឲ្យប្រសើរឡើងនូវយន្តការដោះស្រាយវិវាទក្រៅប្រព័ន្ធតុលាការ តាមរយៈមជ្ឈត្តការ និងសន្ធានកម្មនៅប្រទេសកម្ពុជា។
