នៅព្រឹកថ្ងៃសុក្រ ៩កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែតុលា ឆ្នាំ២០២៤, ដោយទទួលបានចាត់តាំងដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានអញ្ជើញជាអធិបតីក្នុងពិធីបើកសិក្ខាសាលាស្តីពី “តួនាទីមេធាវីក្នុងប្រព័ន្ធយុត្តិធម៌ និងការអភិវឌ្ឍន៍ក្នុងសម័យរដ្ឋាភិបាលឌីជីថល”។
នៅព្រឹកថ្ងៃសុក្រ ៩កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែតុលា ឆ្នាំ២០២៤, ដោយទទួលបានចាត់តាំងដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានអញ្ជើញជាអធិបតីក្នុងពិធីបើកសិក្ខាសាលាស្តីពី “តួនាទីមេធាវីក្នុងប្រព័ន្ធយុត្តិធម៌ និងការអភិវឌ្ឍន៍ក្នុងសម័យរដ្ឋាភិបាលឌីជីថល”។ សិក្ខាសាលានេះមានការអញ្ជេីញចូលរួមជាគណ:អធិបតីពីសំណាក់លោកជំទាវ សេង វួចហ៊ុន ប្រធានសមាគមបញ្ញវន្តកម្ពុជាដើម្បីអភិវឌ្ឍន៍ និងជាប្រធានក្រុមហ៊ុន មេធាវី អាស៊ីកម្ពុជា, ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ព្រមទាំងមានការចូលរួមពីមេធាវី មន្រ្តីនគរបាល ពាណិជ្ជករ និងសិស្សនិស្សិត សរុបប្រមាណជា ៥០០ រូប។
សិក្ខាសាលានេះ ត្រូវបានរៀបចំឡើងដោយសមាគមបញ្ញវ័ន្តកម្ពុជាដើម្បីអភិវឌ្ឍន៍ និងក្រុមហ៊ុនមេធាវី អាស៊ីកម្ពុជា ក្រោមកិច្ចសហការពីក្រសួងស្ថាប័នពាក់ព័ន្ធ រួមមាន ក្រសួងយុត្តិធម៌, ក្រសួងមហាផ្ទៃ និងអាជ្ញាធរជាតិដោះស្រាយវិវាទក្រៅប្រព័ន្ធតុលាការ។
ថ្លែងក្នុងកម្មវិធីប្រកាសបើកសិក្ខាសាលានេះឯកឧត្តម យ៉ម ផារ៉ូត បានលើកឡើងថា មេធាវី គឺជាតួអង្គដ៏សំខាន់ដែលមិនអាចខ្វះបានមួយក្នុងចំណោមតួអង្គពាក់ព័ន្ធសំខាន់ៗ ដទៃទៀត នៅក្នុងវិស័យយុត្តិធម៌ និងមានបេសកកម្មចូលរួមរៀបចំនីតិរដ្ឋ, ការពង្រឹងយុត្តិធម៌សង្គម ក៏ដូចជា ការការពារសិទ្ធិរបស់ប្រជាពលរដ្ឋនៅក្នុងនីតិវិធីតុលាការ។ ទន្ទឹមនឹងនេះ ឯកឧត្តម ក៏បានធ្វើការអំពាវនាវថា ក្រៅពីការការពារក្តីនៅតុលាការ មេធាវីគ្រប់រូប សូមព្យាយាមដើរតួនាទីជាអ្នកសម្រុះសម្រួលបញ្ចប់វិវាទនៅក្រៅប្រព័ន្ធតុលាការចំពោះវិវាទណាដែលច្បាប់អនុញ្ញាត ហេីយនៅពេលបានសម្រុះសម្រួលបញ្ចប់វិវាទជូនគូភាគី, មេធាវីអាចដាក់ពាក្យស្នេីសុំមក អ.ដ.ក. ដេីម្បីទទួលស្គាល់ និងរៀបចំចេញកំណត់ហេតុព្រមព្រៀងបញ្ចប់វិវាទ ដែលមានអានុភាពអនុវត្តដូចសាលក្រមស្ថាពរបស់តុលាការ។
