នៅថ្ងៃចន្ទ ទី១១ ខែវិច្ឆិកា ឆ្នាំ២០២៤ អាជ្ញាធរជាតិដោះស្រាយវិវាទក្រៅប្រព័ន្ធតុលាការ ហៅកាត់ថា អ.ដ.ក. បានដោះស្រាយបញ្ចប់វិវាទដោយជោគជ័យចំនួន ៣ ករណី ដែលវិវាទទី១-គឺជាវិវាទកិច្ចសន្យាចូលហ៊ុនធ្វេីអាជីវកម្ម, វិវាទទី២-គឺវិវាទកិច្ចសន្យាខ្ចីប្រាក់ និងវិវាទទី៣-គឺជាវិវាទដីធ្លី។

ក្នុងថ្ងៃតែមួយ អាជ្ញាធរជាតិដោះស្រាយវិវាទក្រៅប្រព័ន្ធតុលាការ ហៅកាត់ថា អ.ដ.ក. បានដោះស្រាយបញ្ចប់វិវាទដោយជោគជ័យចំនួន ៣ ករណី

នៅថ្ងៃចន្ទ ទី១១ ខែវិច្ឆិកា ឆ្នាំ២០២៤ អាជ្ញាធរជាតិដោះស្រាយវិវាទក្រៅប្រព័ន្ធតុលាការ ហៅកាត់ថា អ.ដ.ក. បានដោះស្រាយបញ្ចប់វិវាទដោយជោគជ័យចំនួន ៣ ករណី ដែលវិវាទទី១-គឺជាវិវាទកិច្ចសន្យាចូលហ៊ុនធ្វេីអាជីវកម្ម, វិវាទទី២-គឺវិវាទកិច្ចសន្យាខ្ចីប្រាក់ និងវិវាទទី៣-គឺជាវិវាទដីធ្លី។

វិវាទទី១- គឺជាវិវាទពាក់ព័ន្ធនឹងកិច្ចសន្យាចូលហ៊ុនធ្វើអាជីវកម្ម របស់អាជីវករមកពីរាជធានីភ្នំពេញ ដែលត្រូវបានសម្រុះសម្រួលផ្សះផ្សាបញ្ចប់វិវាទដោយមន្ត្រីសម្រុះសម្រួលដោះស្រាយវិវាទនៃ អ.ដ.ក. រួមមាន លោក រ៉េន រស់, លោក ហួន សុខនីម និងលោក ហុង គុណ។ វិវាទនេះ កើតឡើងពីការមិនអនុវត្តកាតព្វកិច្ចនៃកិច្ចសន្យាចូលហ៊ុនធ្វើអាជីវកម្មរួមគ្នា តាំងពីឆ្នាំ២០២៣ ដោយកន្លងមក គូភាគីបានព្យាយាមរកដំណោះស្រាយវិវាទ ប៉ុន្តែ នៅតែមិនទទួលបានជោគជ័យ។ ករណីវិវាទនេះទើបត្រូវបានភាគីម្នាក់ដាក់ពាក្យស្នើសុំមក អ.ដ.ក. ដើម្បីសម្រុះសម្រួលផ្សះផ្សាបញ្ចប់វិវាទ កាលពីអំឡុងខែតុលា ឆ្នាំ២០២៤ នេះ ហើយត្រូវបានដោះស្រាយបញ្ចប់ដោយឆាប់រហ័ស។

វិវាទទី២- គឺជាវិវាទពាក់ព័ន្ធនឹងកិច្ចសន្យាខ្ចីប្រាក់ របស់ប្រជាពលរដ្ឋរស់នៅខេត្តកណ្តាល ដែលត្រូវបានសម្រុះសម្រួលផ្សះផ្សាបញ្ចប់វិវាទដោយ មន្ត្រីសម្រុះសម្រួលដោះស្រាយវិវាទនៃ អ.ដ.ក. រួមមាន លោក ង៉ាក់ ប៊ុនធី, លោក លី សុភាព និងលោក ម៉ែន វណ្ណរិទ្ធ។ ករណីវិវាទខាងលើ ត្រូវបានភាគីម្ខាងដាក់ពាក្យបណ្តឹងមក អ.ដ.ក. នៅអំឡុងខែសីហា ឆ្នាំ២០២៤ នេះ ដើម្បីស្នើសុំសម្រុះសម្រួលផ្សះផ្សាបញ្ចប់វិវាទ។

វិវាទទី៣- គឺជាវិវាទដីធ្លី ដែលបានអូសបន្លាយអស់រយៈពេល ៦ ឆ្នាំ មកហើយ រវាងប្រជាពលរដ្ឋរស់នៅខេត្តត្បូងឃ្មុំ។ នៅមុនពេលភាគីសម្រេចដាក់ពាក្យស្នើសុំមក អ.ដ.ក. គូភាគីវិវាទធ្លាប់បានចូលរួមធ្វើការដោះស្រាយនៅមូលដ្ឋានថ្នាក់ឃុំ-ស្រុក ប៉ុន្តែ នៅតែមិនទទួលបានជោគជ័យ។ ទើបនៅអំឡុងខែសីហា ឆ្នាំ២០២៤ នេះ ភាគីវិវាទបានដាក់ពាក្យបណ្តឹងមក អ.ដ.ក. ហើយត្រូវបានមន្ត្រីសម្រុះសម្រួលដោះស្រាយវិវាទនៃ អ.ដ.ក. រួមមាន លោក អែម ប៊ុន្នី, លោក សៅ ព្រឿន និងលោក ងន សុខជា បានដោះស្រាយដោយជោគជ័យ កាលពីថ្ងៃទី១១ ខែវិច្ឆិកា ម្សិលមិញនេះ។

សូមគូសបញ្ជាក់ថា ការសម្រុះសម្រួលផ្សះផ្សាវិវាទក្នុងក្របខ័ណ្ឌ អ.ដ.ក. គឺធ្វើឡើងដោយផ្អែកតាមការព្រមព្រៀងដោយការស្ម័គ្រចិត្ត និងដោយសេរីរបស់គូភាគី និងដោយគ្មានការសម្រេចសេចក្តីដោយបង្ខំណាមួយឡើយ។ ផ្អែកតាមច្បាប់ កំណត់ហេតុព្រមព្រៀងបញ្ចប់វិវាទដែលធ្វើទ្បើងក្នុងក្របខ័ណ្ឌ អ.ដ.ក. មានអានុភាពអនុវត្តដូចសាលក្រមស្ថាពររបស់តុលាការផងដែរ។

ព័ត៌មាន ថ្មីៗ

...

គូភាគីវិវាទពាក់ព័ន្ធនឹងកិច្ចសន្យាទិញលក់អចលនវត្ថុ ដែលអូសបន្លាយអស់រយៈពេលជាង ៧ ឆ្នាំ បានកាន់ដៃគ្នាមកដាក់ពាក្យសម្រុះសម្រួលផ្សះផ្សាបញ្ចប់វិវាទ ជាស្ថាពរ នៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.)
...

នាថ្ងៃទី១២ ខែធ្នូ ឆ្នាំ២០២៤ អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានចេញកំណត់ហេតុព្រមព្រៀងបញ្ចប់វិវាទ លើករណីសំណុំរឿងវិវាទកិច្ចសន្យាខ្ចីប្រាក់ និងកិច្ចសន្យាលក់ទិញក្រុមហ៊ុន បន្ទាប់ពី លោកមេធាវី ហេង សុផារិទ្ធ ជាតំណាងឱ្យភាគីវិវាទ បានដាក់ពាក្យស្នើសុំរៀបចំកំណត់ហេតុព្រមព្រៀងបញ្ចប់វិវាទ មក អ.ដ.ក.។

...

អគ្គលេខាធិការ​ដ្ឋាន​នៃ​ អ.ដ.ក.​ រៀបចំកិច្ចប្រជុំពិនិត្យវឌ្ឍនភាពការងារដោះស្រាយ​វិវាទក្នុងក្របខ័ណ្ឌនៃ​ អ.ដ.ក.​ និងផ្សព្វផ្សាយអំពីលទ្ធផលនៃកិច្ចប្រជុំលើកទី៧ របស់ អ.ដ.ក.
...

នៅថ្ងៃទី៧ ខែវិច្ឆិកា ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោក ម៉ែន វណ្ណរិទ្ធ, លោក ង៉ាក់ ប៊ុនធី និងលោក លី សុភាព បានសម្រុះសម្រួលផ្សះផ្សាបញ្ចប់វិវាទមួយករណីពាក់ព័ន្ធនឹងកិច្ចសន្យាខ្ចីប្រាក់ បានដោយជោគជ័យ។
...

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាអនុប្រធានប្រចាំការនៃ អ.ដ.ក. បានអញ្ជើញដឹកនាំកិច្ចប្រជុំក្រុមច្ចេកទេសស្នូល ពិនិត្យលើការរៀបចំគម្រោងដោះស្រាយវិវាទជូនប្រជាពលរដ្ឋរស់នៅតំបន់ដាច់ស្រយាល និងតំបន់ជនជាតិដើមភាគតិច
...

ថ្ងៃសុក្រ ទី១៣ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោកស្រី ហួត លីនដា, លោក ហុង ប៊ុនហួរ និងលោក ជា សុខចាន់ បានសម្រុះសម្រួលផ្សះផ្សាបញ្ចប់វិវាទមួយករណីពាក់ព័ន្ធនឹងវិវាទកិច្ចសន្យាខ្ចីប្រាក់ បានដោយជោគជ័យ។