ថ្ងៃពុធ ទី១៨ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សៅ ព្រឿន, លោក អែម ប៊ុន្នី និងលោក ងន សុខជា បានសម្រុះសម្រួលផ្សះផ្សាបញ្ចប់វិវាទមរតក ចំនួន ២ ករណី បានដោយជោគជ័យ។
វិវាទពាក់ព័ន្ធនឹងមរតក ២ ករណី ត្រូវបានសម្រុះសម្រួលផ្សះផ្សាបញ្ចប់ដោយជោគជ័យនៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.)
————————————
ថ្ងៃពុធ ទី១៨ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សៅ ព្រឿន, លោក អែម ប៊ុន្នី និងលោក ងន សុខជា បានសម្រុះសម្រួលផ្សះផ្សាបញ្ចប់វិវាទមរតក ចំនួន ២ ករណី បានដោយជោគជ័យ។
ចំពោះសំណុំរឿងវិវាទគ្រួសារទាំង២ នេះ បងប្អូនបង្កើតចំនួន ២ នាក់បានស្នើសុំធ្វើការសម្រុះសម្រួលជាមួយបងប្អូនបង្កើតរបស់ខ្លួនម្នាក់ទៀត លើការបែងចែកមរតកបានបន្សល់ទុកពីឪពុកម្ដាយដែលបានទទួលមរណភាព តាំងពីឆ្នាំ២០១៩ លើដី និងផ្ទះមួយកន្លែង ស្ថិតនៅខណ្ឌមានជ័យ រាជធានីភ្នំពេញ។ កន្លងមក គូភាគីបានព្យាយាមស្វែងរកដំណោះស្រាយវិវាទជាច្រេីនស្ថាប័ន ប៉ុន្តែ នៅតែមិនទទួលបានជោគជ័យ។ ក្រោយមក នៅអំឡុងខែតុលា ឆ្នាំ២០២៤ នេះ ករណីវិវាទខាងលើ ត្រូវបានភាគីដាក់ពាក្យមក អ.ដ.ក. ដើម្បីស្នើសុំសម្រុះសម្រួលស្វែងរកដំណោះស្រាយដោយសន្តិវិធី។
អ.ដ.ក. បានពិនិត្យ សិក្សា ស្រាវជ្រាវដោយយកចិត្តទុកដាក់ និងបានដោះស្រាយបញ្ចប់វិវាទនេះ ដោយផ្អែកលើឆន្ទៈព្រមព្រៀងរបស់គូភាគី។
គូភាគីវិវាទបានសះជាជាមួយគ្នា ហើយបានផ្តិតមេដៃលើកំណត់ហេតុព្រមព្រៀងបញ្ចប់វិវាទ ដែលផ្អែកតាមច្បាប់ កំណត់ហេតុនេះមានអានុភាពអនុវត្តដូចសាលក្រមស្ថាពររបស់តុលាការដែរ។
