ពាក្យស្លោកបុរាណខ្មែរថា “ធ្ងន់នៅថ្ម ក្រនៅក្តី”

ពាក្យស្លោកបុរាណខ្មែរថា “ធ្ងន់នៅថ្ម ក្រនៅក្តី”

ពាក្យស្លោកនេះ ប្រកបទៅដោយភាពសត្យានុម័ត ព្រោះពុំមានន័យធៀបដែលធ្វើឱ្យពិបាកក្នុងការយល់ឡើយ ជាធម្មតារបស់សភាពជាថ្ម គឺតែងតែធ្ងន់ទៅតាមទំហំនៃថ្មនោះ ចំណែកឯរឿងក្ដីក្ដាំនេះវិញ គឺពុំមានមនុស្សណាដែលប្រាថ្នាចង់ឱ្យកើតមាននោះឡើយ។

ថេរដីការបស់សម្ដេចព្រះព្រហ្មរតនមុនី ពិន សែម "ដុំថ្មវាធ្ងន់ជាងគេទាំងអស់ រីឯរឿងក្ដី ជម្លោះឈ្លោះប្រកែក គឺជារឿងនាំឱ្យក្របំផុតសម្រាប់មនុស្សដែលកើតរឿងជម្លោះឈ្លោះប្រកែកនេះ មិនងាយដាច់ស្រេចទេ កើតក្ដីក្ដាំប្តឹងផ្តល់គ្នា រីកលើរីកក្រោមប្រៀបបានទៅនឹងត្បាល់កិនម្សៅយ៉ាងដូច្នោះដែរ ដែលជាហេតុនាំទៅរកក្ដីមហន្តរាយ បានជាបុរាណលោកថា ធ្ងន់នៅថ្ម ក្រនៅក្ដី ដូច្នេះ"។

ប្រសាសន៍ដ៏ខ្ពង់ខ្ពស់របស់ឯកឧត្ដម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានលើកឡើងអំពីពាក្យ “ធ្ងន់នៅថ្ម ក្រនៅក្ដី” ថា​ កាលណាមានរឿងក្តីហើយ អ្វីដែលប្រជាពលរដ្ឋគាត់ចង់បានពិតប្រាកដ គឺរឿងឈ្នះហើយនិងចាញ់ ប្រសិនបើពួកគាត់គិតតែនឹងរឿងឈ្នះចាញ់ តើពួកគាត់មានពេលឯណាទៅគិតពីរឿងការរកស៊ីដើម្បីជីវភាព តើមានពេលឯណាទៅធ្វើសកម្មភាពសម្រាប់បម្រើឱ្យគ្រួសារ គឺមានតែមួយគត់​ ប្រមូលមកពីគ្រួសារដើម្បីធ្វើសកម្មភាព ដើម្បីយកឈ្នះលើរឿងក្ដី ពឹងអ្នកនេះបន្តិច ពឹងអ្នកនោះបន្តិច ដែលជាហេតុបណ្ដាលឱ្យគ្មានពេលរកស៊ី ទាំងអារម្មណ៍ផ្លូវចិត្ត ទាំងពេលវេលា គឺខាតទាំងអស់។

ព័ត៌មាន ថ្មីៗ

...

អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានជួបពិភាក្សាការងារជាមួយរដ្ឋបាលខេត្តកំពង់ឆ្នាំង អំពីលទ្ធភាព នៃការចុះអនុស្សរណ:នៃការយោគយល់គ្នាលើកិច្ចសហប្រតិបត្តិការសម្រុះសម្រួលដោះស្រាយវិវាទ
...

នៅថ្ងៃទី៤ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោក ជា ដារ៉ាវុធ និងលោកស្រី សន សូនី បានសម្រុះសម្រួលផ្សះផ្សាបញ្ចប់វិវាទពាក់ព័ន្ធនឹងកិច្ចសន្យាទិញលក់អចលនវត្ថុមួយករណី​ បានដោយជោគជ័យ។

...

រដ្ឋបាលខេត្តសៀមរាប ក្លាយជាដៃគូទី៩ របស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលបានចុះអនុស្សរណៈនៃការយោគយល់គ្នាក្នុងការសម្រុះសម្រួលផ្សះផ្សាវិវាទ​ ជាមួយ​ អ.ដ.ក.
...

នៅថ្ងៃព្រហស្បតិ៍ ទី២០ ខែកុម្ភៈ ឆ្នាំ២០២៥ គូភាគីក្នុងសំណុំរឿងវិវាទពាក់ព័ន្ធនឹងកិច្ចសន្យាទិញលក់ដី បានមកអនុវត្តដោយស្ម័គ្រចិត្តនូវលទ្ធផលនៃ កំណត់ហេតុព្រមព្រៀងបញ្ចប់វិវាទ នៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ ដើម្បីបញ្ចប់វិវាទជាស្ថាពរ។
...

ឯកឧត្តមបណ្ឌិត ជិន ម៉ាលីន អនុប្រធានប្រចាំការនៃ អ.ដ.ក. បានអញ្ជើញចូលរួមកិច្ចប្រជុំរៀបចំលិខិតបទដ្ឋានគតិយុត្តគាំទ្រដល់កិច្ចដំណេីរការរបស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ ជាមួយតំណាងក្រសួងសេដ្ឋកិច្ចនិងហិរញ្ញវត្ថុ និងតំណាងក្រសួងមុខងារសាធារណៈ
...

នាថ្ងៃព្រហស្បត្តិ៍ ១៥ កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែតុលា ឆ្នាំ២០២៤ អគ្គលេខាធិការដ្ឋាននៃ អ.ដ.ក. បាន​រៀបចំវគ្គបណ្តុះបណ្តាលតម្រង់ទិសជូនដល់មន្ត្រីជាប់កិច្ចសន្យាថ្មី​ចំនួន ២៥ រូប ដែល​ទើប​ត្រូវ​បាន​ជ្រើសរើស​ជាប់ឱ្យមកបំពេញការងារ​នៅអគ្គលេខាធិការដ្ឋាននៃ អ.ដ.ក.។