ខេត្តព្រះសីហនុ៖ ថ្ងៃទី០៦ ខែកុម្ភៈ ឆ្នាំ២០២៥ ដោយមានការចាត់តាំងពី ឯកឧត្តមឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.), លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. អមដោយមន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក ហួន សុខនីម និង លោកស្រី ហួត លីនដា បានចុះពិនិត្យ និងស្រាវជ្រាវទីតាំងដីផ្ទាល់ដែលជាកម្មវត្ថុនៃវិវាទ។
ខេត្តព្រះសីហនុ៖ ថ្ងៃទី០៦ ខែកុម្ភៈ ឆ្នាំ២០២៥ ដោយមានការចាត់តាំងពី ឯកឧត្តមឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.), លោកជំទាវ ជា វាសនា រដ្ឋលេខាធិការក្រសួងយុត្តិធម៌ និងជាសមាជិក អ.ដ.ក. អមដោយមន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក ហួន សុខនីម និង លោកស្រី ហួត លីនដា បានចុះពិនិត្យ និងស្រាវជ្រាវទីតាំងដីផ្ទាល់ដែលជាកម្មវត្ថុនៃវិវាទ។
នៅក្នុងការបំពេញបេសកកម្មនេះ ក្រុមការងារដែលដឹកនាំដោយ លោកជំទាវ ជា វាសនា បានជួបប្រជុំពិភាក្សាការងារជាមួយថ្នាក់ដឹកនាំនៃរដ្ឋបាលខេត្ត, មន្ទីររៀបចំដែនដី នគរូបនីយកម្ម និងសំណង់, អាជ្ញាធរមូលដ្ឋាន, មន្ត្រីរដ្ឋបាលមូលដ្ឋានភូមិ ឃុំ និងបុគ្គលពាក់ព័ន្ធមួយចំនួនទៀត ព្រមទាំងបានចុះទៅពិនិត្យដោយផ្ទាល់នូវទីតាំងដីវិវាទដែលជាកម្មវត្ថុនៃការដាក់ពាក្យស្នើសុំសម្រុះសម្រួលមក អ.ដ.ក. ដោយភាគីវិវាទផងដែរ។
សូមគូសបញ្ជាក់ថា ផ្អែកតាមបទប្បញ្ញត្តិរបស់ អ.ដ.ក. មន្ត្រីសម្រុះសម្រួលដោះស្រាយវិវាទ ឬក្រុមការងារសម្រុះសម្រួលដោះស្រាយវិវាទមានសិទ្ធិស្នើសុំកិច្ចសហការពីស្ថាប័ន ឬអាជ្ញាធរពាក់ព័ន្ធ ដើម្បីដោះស្រាយសំណុំរឿងវិវាទនៅក្នុងក្របខ័ណ្ឌ អ.ដ.ក.។
