អគ្គលេខាធិការដ្ឋាននៃ អ.ដ.ក. និង មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម បានសហការរៀបចំសិក្ខាសាលាស្តីពី “ការដោះស្រាយវិវាទពាណិជ្ជកម្ម ប្រកបដោយប្រសិទ្ធភាព តាមរយៈយន្តការសន្ធានកម្ម”
អគ្គលេខាធិការដ្ឋាននៃ អ.ដ.ក. និង មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម បានសហការរៀបចំសិក្ខាសាលាស្តីពី “ការដោះស្រាយវិវាទពាណិជ្ជកម្ម ប្រកបដោយប្រសិទ្ធភាព តាមរយៈយន្តការសន្ធានកម្ម”
-----------------------------
ថ្ងៃព្រហស្បតិ៍ ១ កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែកុម្ភៈ ឆ្នាំ២០២៥ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត អគ្គលេខាធិការនៃ អគ្គលេខាធិការដ្ឋាននៃ អ.ដ.ក. បានអញ្ជើញជាអធិបតីក្នុងសិក្ខាសាលាស្តីពី “ការដោះស្រាយវិវាទពាណិជ្ជកម្ម ប្រកបដោយប្រសិទ្ធភាព តាមរយៈយន្តការសន្ធានកម្ម”។
សិក្ខាសាលានេះត្រូវបានរៀបចំឡេីង ក្នុងគោលបំណងដេីម្បីពង្រឹង និងលើកកម្ពស់សមត្ថភាពមន្ត្រីសម្រុះសម្រួលដោះស្រាយវិវាទ និងមន្ត្រីនៃអគ្គលេខាធិការដ្ឋាននៃ អ.ដ.ក. លេីជំនាញដោះស្រាយវិវាទពាណិជ្ជកម្ម។
ការៀបចំសិក្ខាសាលាពង្រឹងសមត្ថភាពនេះ ត្រូវបានធ្វេីឡេីងក្រោមកិច្ចសហការរវាង អគ្គលេខាធិការដ្ឋាននៃ អ.ដ.ក. និងមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម ក្នុងក្របខ័ណ្ឌនៃការអនុវត្តអនុស្សរណ:នៃការយោគយល់គ្នារវាងស្ថាប័នទាំងពីរ។
