អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានសម្រុះសម្រួលផ្សះផ្សាបញ្ចប់ជោគជ័យ នូវវិវាទពាក់ព័ន្ធនឹងមរតកមួយករណីទៀត ក្រោមដំណក់ទឹកភ្នែកនិងក្តីរំភើបរបស់ភាគី
អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានសម្រុះសម្រួលផ្សះផ្សាបញ្ចប់ជោគជ័យ នូវវិវាទពាក់ព័ន្ធនឹងមរតកមួយករណីទៀត ក្រោមដំណក់ទឹកភ្នែកនិងក្តីរំភើបរបស់ភាគី
————————————
ខេត្តបាត់ដំបង÷ ថ្ងៃព្រហស្បតិ៍ ទី៦ ខែមីនា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោក ជា ដារ៉ាវុធ និងលោក ងន សុខជា បានសម្រុះសម្រួលផ្សះផ្សាបញ្ចប់វិវាទពាក់ព័ន្ធនឹងមរតក បានដោយជោគជ័យ ក្រោមដំណក់ទឹកភ្នែកប្រកបដោយក្តីរំភើបរបស់ភាគី។
វិវាទមករតកនេះ កើតឡើងរវាងឪពុកនិងកូនៗទាំងអស់ក្នុងគ្រួសារ ដោយកន្លងមកគូភាគីធ្លាប់បានស្វែងរកដំណោះស្រាយនូវវិវាទនៅតាមមូលដ្ឋាន ប៉ុន្តែមិនទទួលបានជោគជ័យ។ ក្រោយមកនៅអំឡុងខែកញ្ញា ឆ្នាំ២០២៤ ករណីវិវាទនេះ ត្រូវបានដាក់ពាក្យមក អ.ដ.ក. ដើម្បីសម្រុះសម្រួលដោះស្រាយដោយសន្តិវិធី។
មន្ត្រីសម្រុះសម្រួលដោះស្រាយវិវាទនៃ អ.ដ.ក. បានពិនិត្យ សិក្សា និងយកចិត្តទុកដាក់ក្នុងការដោះស្រាយវិវាទ នឹងបានឈានទៅដោះស្រាយបញ្ចប់វិវាទនេះជាស្ថាពរ ដោយផ្អែកលើឆន្ទៈព្រមព្រៀងរបស់គូភាគី។
គូភាគីវិវាទបានសះជា និងមានទំនាក់ទំនងជាមួយគ្នាឡើងវិញរវាងឪពុកនិងកូនៗ ក្រោយបែកបាក់ទំនាក់ទំនងក្នុងគ្រួសារអស់រយៈពេលជាច្រើនឆ្នាំ ហើយបានផ្តិតមេដៃលើកំណត់ហេតុព្រមព្រៀងបញ្ចប់វិវាទ ដែលតាមច្បាប់កំណត់ហេតុនេះមានតម្លៃអនុវត្តដូចសាលក្រមស្ថាពររបស់តុលាការ។
