អគ្គលេខាធិការដ្ឋាននៃ អ.ដ.ក. សមាគមសាលាត្រាជូ និង សាកលវិទ្យាល័យភ្នំពេញអន្តរជាតិ បានសហការរៀបចំសិក្ខាសាលាស្តីពី “យន្តការដោះស្រាយវិវាទក្រៅប្រព័ន្ធតុលាការតាមរយៈអាជ្ញាធរជាតិដោះស្រាយវិវាទក្រៅប្រព័ន្ធតុលាការ"
អគ្គលេខាធិការដ្ឋាននៃ អ.ដ.ក. សមាគមសាលាត្រាជូ និង សាកលវិទ្យាល័យភ្នំពេញអន្តរជាតិ បានសហការរៀបចំសិក្ខាសាលាស្តីពី “យន្តការដោះស្រាយវិវាទក្រៅប្រព័ន្ធតុលាការតាមរយៈអាជ្ញាធរជាតិដោះស្រាយវិវាទក្រៅប្រព័ន្ធតុលាការ"
-----------------------------
នៅព្រឹកថ្ងៃសៅរ៍ទី២២ ខែមីនា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃអគ្គលេខាធិការដ្ឋាននៃ អ.ដ.ក. បានអញ្ជើញជាគណ:អធិបតីក្នុងសិក្ខាសាលាស្តីពី “យន្តការដោះស្រាយវិវាទក្រៅប្រព័ន្ធតុលាការ តាមរយៈអាជ្ញាធរជាតិដោះស្រាយវិវាទក្រៅប្រព័ន្ធតុលាការ"។
សិក្ខាសាលានេះ ក៏មានវត្តមានអញ្ជេីញចូលរួមដោយ ឯកឧត្តម ទី ហ្សានិត ប្រធានសមាគមសាលាត្រាជូ, លោកជំទាវ ទេព កូលាប សកលវិទ្យាធិការនៃសាកលវិទ្យាល័យភ្នំពេញអន្តរជាតិ , អ្នកស្រាវជ្រាវច្បាប់, សាស្ត្រាចារ្យ និងនិស្សិត សរុបប្រមាណ ២៣០ រូប។
សិក្ខាសាលាដែលរៀបចំទ្បេីងក្រោមកិច្ចសហការរវាងអគ្គលេខាធិការដ្ឋាននៃ អ.ដ.ក. សមាគមសាលាត្រាជូ និងសាកលវិទ្យាល័យភ្នំពេញអន្តរជាតិ ធ្វេីឡេីងក្នុងគោលបំណងដេីម្បីផ្សព្វផ្សាយ និងបញ្ជ្រាបការយល់ដឹងដល់សាធារណជន អ្នកស្រាវជ្រាវច្បាប់ និងសិស្សនិស្សិត អំពីយន្តការដោះស្រាយវិវាទក្រៅប្រព័ន្ធតុលាការនៅកម្ពុជា ដោយផ្តោតសំខាន់លេីការដោះស្រាយវិវាទដោយអាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលជាស្ថាប័នជាតិថ្មីមួយរបស់រាជរដ្ឋាភិបាល។
