អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំវគ្គបណ្តុះបណ្តាលស្តីពីជំនាញសម្រុះសម្រួលដោះស្រាយវិវាទ ជូនដល់មន្ត្រីនៃរដ្ឋបាលស្រុកមោងឫស្សី ខេត្តបាត់ដំបង

អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំវគ្គបណ្តុះបណ្តាលស្តីពីជំនាញសម្រុះសម្រួលដោះស្រាយវិវាទ ជូនដល់មន្ត្រីនៃរដ្ឋបាលស្រុកមោងឫស្សី ខេត្តបាត់ដំបង

================

ស្រុកមោងឫស្សី៖ ថ្ងៃពុធ ១៣រោច - ព្រហស្បតិ៍ ១៤រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦-២៧ ខែមីនា ឆ្នាំ២០២៥ ដោយបដិបត្តិតាមការណែនាំដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., អាជ្ញាធរជាតិដោះស្រាយវិវាទក្រៅប្រព័ន្ធតុលាការ បានរៀបចំវគ្គបណ្តុះបណ្តាលស្តីពីជំនាញសម្រុះសម្រួលដោះស្រាយវិវាទ ជូនដល់មន្ត្រីនៃរដ្ឋបាលស្រុកមោងឫស្សី ខេត្តបាត់ដំបង។

ពិធីបើកវគ្គបណ្តុះបណ្តាលនេះ ក៏បានការអញ្ជើញចូលរួមជាគណៈអធិបតីពីសំណាក់ ឯកឧត្តម​ សុខ បូរ៉ា អគ្គលេខាធិការរងនៃ អ.ដ.ក. តំណាង ឯកឧត្តម យ៉ម ផារ៉ូត អគ្គលេខាធិការនៃ អ.ដ.ក., លោក ពេជ្រ ម៉ាឡៃ ប្រធានក្រុមប្រឹក្សាស្រុកមោងឫស្សី, លោក ទេព ហន អភិបាលស្រុកមោងឫស្សី និងដោយមានសិក្ខាកាមចូលរួមជាមន្ត្រីនៃអង្គភាពពាក់ព័ន្ធជុំវិញស្រុកមោងឫស្សី រួមមាន អភិបាលរងស្រុក, មន្ត្រីនៃការិយាល័យនីតិកម្មនិងសម្រុះសម្រួលវិវាទមូលដ្ឋាន, មេឃុំ, ជំទប់ឃុំ, សមាជិកក្រុមប្រឹក្សាឃុំ និង គណៈកម្មការទទួលបន្ទុកកិច្ចការនារីនិងកុមារឃុំ ទូទាំងស្រុកមោងឫស្សី សរុបចំនួន ៤៥ រូប។

សូមគូសបញ្ជាក់ថា វគ្គបណ្តុះបណ្តាលដែលមានរយៈពេល ២ ថ្ងៃ នេះ គឺជាផ្នែកមួយនៃការអនុវត្តគម្រោងមួយរបស់ អ.ដ.ក. ឈ្មោះថា "គម្រោងឆ្ពោះទៅកាន់មូលដ្ឋាន" និង កើតចេញពីការចុះអនុស្សរណៈនៃការយោគយល់គ្នារវាង អ.ដ.ក. និង រដ្ឋបាលខេត្តបាត់ដំបង ក៏ដូចជាកិច្ចសហការជាមួយក្រុមការងាររាជរដ្ឋាភិបាលចុះមូលដ្ឋានស្រុកមោងឫស្សី ក្នុងយុទ្ធនាការ “មោងឫស្សីគ្មានវិវាទ” ក្នុងគោលបំណងពង្រឹងសមត្ថភាពមន្ត្រីថ្នាក់ក្រោមជាតិ លើជំនាញសម្រុះសម្រួលដោះស្រាយវិវាទ សំដៅធ្វើឱ្យ៖

(១)-មន្ត្រីយល់ដឹងជាទូទៅនូវជំនាញសម្រុះសម្រួលដោះស្រាយវិវាទក្រៅប្រព័ន្ធតុលាការ

(២)-មន្ត្រីបានយល់ដឹងអំពីក្រមសីលធម៌ បច្ចេកទេស និងនីតិវិធីនៃការសម្រុះសម្រួលដោះស្រាយវិវាទ

(៣)-មន្ត្រីអាចមានជំនាញកាន់តែល្អប្រសើរឡើងក្នុងការផ្តល់សេវាសម្រុះសម្រួលដោះស្រាយវិវាទក្រៅប្រព័ន្ធតុលាការជូនប្រជាពលរដ្ឋនៅក្នុងមូលដ្ឋាន ប្រកបដោយប្រសិទ្ធភាពខ្ពស់។

 

ព័ត៌មាន ថ្មីៗ

...

វិវាទពាក់ព័ន្ធនឹងកិច្ចសន្យាខ្ចីប្រាក់ មួយករណីទៀត ត្រូវបានសម្រុះសម្រួលផ្សះផ្សាបញ្ចប់ដោយជោគជ័យនៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.)
...

ខេត្តកំពត៖ ថ្ងៃទី២៨ ខែឧសភា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សុក ហៃ និងលោក ង៉ាក់ ប៊ុនធី បានចុះធ្វើការសម្រុះសម្រួលលើកករណីវិវាទជូនប្រជាពលរដ្ឋនៅមូលដ្ឋាន លើសំណុំរឿងពាក់ព័ន្ធនឹងវិវាទដីធ្លី ដែលមានទីតាំងស្ថិតនៅក្រុងបូកគោ ខេត្តកំពត។
...

ខេត្តកណ្តាល ៖ ថ្ងៃទី២៨ ខែឧសភា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក ហុង គុណ និង លោក ណុប គុជ រួមនឹងអាជ្ញាធរមូលដ្ឋានបានចុះធ្វើការវាស់វែងទីតាំងដីវិវាទជាក់ស្តែង ដើម្បីដោះស្រាយបញ្ចប់វិវាទជូនប្រជាពលរដ្ឋនៅមូលដ្ឋាន ស្ថិតនៅស្រុកអង្គស្នួល ខេត្តកណ្តាល។
...

មន្ត្រីសម្រុះសម្រួលដោះស្រាយវិវាទនៃ អ.ដ.ក. បានចុះដោះស្រាយបញ្ចប់វិវាទដោយជោគជ័យនូវវិវាទពាក់ព័ន្ធនឹងកិច្ចសន្យាខ្ចីប្រាក់ ជូនប្រជាពលរដ្ឋដល់មូលដ្ឋាន
...

ខេត្តព្រះសីហនុ៖ ថ្ងៃទី២៧ ខែឧសភា ឆ្នាំ២០២៥ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក សុក ហៃ និងលោក ង៉ាក់ ប៊ុនធី បានចុះធ្វើការសម្រុះសម្រួលលើកករណីវិវាទជូនប្រជាពលរដ្ឋនៅមូលដ្ឋាន លើសំណុំរឿងពាក់ព័ន្ធនឹងវិវាទដីធ្លីដែលមានទីតាំងស្ថិតនៅ ក្រុងកំពង់សោម ខេត្តព្រះសីហនុ។
...

វិវាទគ្រួសារ មួយករណីទៀត ត្រូវបានសម្រុះសម្រួលផ្សះផ្សាបញ្ចប់ដោយជោគជ័យនៅអាជ្ញាធរជាតិដោះស្រាយវិវាទក្រៅប្រព័ន្ធតុលាការ