ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃអគ្គលេខាធិការដ្ឋាននៃ អ.ដ.ក. បានអញ្ជើញជួបប្រជុំពិភាក្សាការងារជាមួយ អង្គការអុកស្វាមប្រចាំកម្ពុជា និង តំណាងសមាគមធនាគារ និងតំណាងសមាគមមីក្រូហិរញ្ញវត្ថុ
ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃអគ្គលេខាធិការដ្ឋាននៃ អ.ដ.ក. បានអញ្ជើញជួបប្រជុំពិភាក្សាការងារជាមួយ អង្គការអុកស្វាមប្រចាំកម្ពុជា និង តំណាងសមាគមធនាគារ និងតំណាងសមាគមមីក្រូហិរញ្ញវត្ថុ
===============
ថ្ងៃសុក្រ ១៣រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមេសា ឆ្នាំ២០២៥ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការ នៃអគ្គលេខាធិការដ្ឋាននៃ អ.ដ.ក. និងថ្នាក់ដឹកនាំ នៃអគ្គលេខាធិការដ្ឋាននៃ អ.ដ.ក. បានជួបប្រជុំការងារជាមួយ លោកស្រី ភាណ សោភ័ណ នាយិកាអង្គការអុកស្វាមប្រចាំកម្ពុជា តំណាងសមាគមធនាគារ និងតំណាងសមាគមមីក្រូហិរញ្ញវត្ថុ ដើម្បីពិភាក្សាលើរបៀបវារៈសំខាន់ៗ ចំនួន ៣ ដូចខាងក្រោម÷
១- ស្វែងយល់ពីគ្នាទៅវិញទៅមករវាង អ.ដ.ក. និង សមាគមធនាគារ និងសមាគមមីក្រូហិរញ្ញវត្ថុ
២- ស្វែងយល់អំពីនីតិវិធីនៃការដោះស្រាយវិវាទពាក់ព័ន្ធនឹងកម្ចីប្រាក់
៣- ពិនិត្យលទ្ធភាពនៃការរៀបចំជាអនុស្សរណៈនៃការយោគយល់គ្នាជាមួយ អ.ដ.ក.។
ទន្ទឹមនេះ អង្គប្រជុំក៏បានឯកភាពគ្នា ធ្វើការរៀបចំ (១)-សិក្ខាសាលាផ្សព្វផ្សាយអំពីបេសកកម្មរបស់ អ.ដ.ក. ដល់សមាគមធនាគារ និងសមាគមមីក្រូហិរញ្ញវត្ថុ និង (២)-វគ្គបណ្តុះបណ្តាលពាក់ព័ន្ធនឹងកម្ចីធនាគារ និងមីក្រូហិរញ្ញវត្ថុ ដល់មន្ត្រីសម្រុះសម្រួលដោះស្រាយវិវាទនៃ អ.ដ.ក. នាពេលខាងមុខ។
