អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) និងរដ្ឋបាលខេត្តកណ្តាល បានសហការគ្នាដោះស្រាយបញ្ចប់វិវាទក្រៅប្រព័ន្ធតុលាការ ជូនប្រជាពលរដ្ឋនៅខេត្តកណ្តាល
អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) និងរដ្ឋបាលខេត្តកណ្តាល បានសហការគ្នាដោះស្រាយបញ្ចប់វិវាទក្រៅប្រព័ន្ធតុលាការ ជូនប្រជាពលរដ្ឋនៅខេត្តកណ្តាល
-----------------------
អ.ដ.ក.៖ នាថ្ងៃអង្គារ ទី១០ ខែមិថុនា ឆ្នាំ២០២៥, ដោយមានកិច្ចសហការពីរដ្ឋបាលខេត្តកណ្តាល, មន្ត្រីសម្រុះសម្រួលដោះស្រាយវិវាទនៃ អ.ដ.ក. បានពិនិត្យ និងរៀបចំចេញកំណត់ហេតុព្រមព្រៀងបញ្ចប់វិវាទលើករណីវិវាទចំនួន ១ តាមការស្នើសុំរបស់រដ្ឋបាលខេត្តកណ្តាល ដោយអនុវត្តស្របតាមស្មារតីនៃអនុស្សរណៈនៃការយោគយល់គ្នា ដែលបានចុះហត្ថលេខារវាង អ.ដ.ក. និងរដ្ឋបាលខេត្តកណ្តាល។
សំណុំរឿងនេះ ជាករណីវិវាទដីធ្លី ស្ថិតនៅឃុំសំបួរមាស ស្រុកមុខកំពូល ខេត្តកណ្តាល និងត្រូវបានដោះស្រាយបញ្ចប់ដោយរដ្ឋបាលខេត្តកណ្តាលកាលពីអំឡុងខែមេសា ឆ្នាំ២០២៥។ ដើម្បីធានាក្នុងការបញ្ចប់វិវាទនេះទាំងស្រុងនៅក្នុងមូលដ្ឋានរបស់ខ្លួន និងជៀសវាងការបន្តប្តឹងផ្តល់គ្នាទៅតុលាការ សំដៅកាត់បន្ថយការកកស្ទះសំណុំរឿងនៅតាមតុលាការ, រដ្ឋបាលខេត្តកណ្តាល បានបញ្ជូនសំណុំរឿងនេះ មក អ.ដ.ក. ដើម្បីពិនិត្យ និងរៀបចំនូវកំណត់ហេតុព្រមព្រៀងបញ្ចប់វិវាទក្នុងក្របខ័ណ្ឌ អ.ដ.ក. ដែលមានអានុភាពអនុវត្តដូចសាលក្រមស្ថាពររបស់តុលាការ។
