អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានជួបប្រជុំជាមួយនឹង គណៈកម្មការសិទ្ធមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃព្រឹទ្ធសភា ដេីម្បីពិភាក្សាឈ្វេងយល់ពីវឌ្ឍនភាពការងារនៃការសម្រុះសម្រួលដោះស្រាយវិវាទក្រៅប្រព័ន្ធតុលាការ ក្នុងក្របខ័ណ្ឌនៃ អ.ដ.ក
អាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានជួបប្រជុំជាមួយនឹង គណៈកម្មការសិទ្ធមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃព្រឹទ្ធសភា ដេីម្បីពិភាក្សាឈ្វេងយល់ពីវឌ្ឍនភាពការងារនៃការសម្រុះសម្រួលដោះស្រាយវិវាទក្រៅប្រព័ន្ធតុលាការ ក្នុងក្របខ័ណ្ឌនៃ អ.ដ.ក
----------------------------------
នៅថ្ងៃព្រហស្បតិ៍ ៥កេីត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ តបតាមការអញ្ជើញរបស់គណៈកម្មការសិទ្ធមនុស្ស ទទួលពាក្យបណ្ដឹងនិងអង្កេត និងអធិការកិច្ច (គណ:កម្មាការទី១) នៃព្រឹទ្ធសភា និងដោយបានទទួលការអនុញ្ញាតដ៏ខ្ពង់ខ្ពស់ពី ឯកឧត្តម កេីត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាអនុប្រធានប្រចាំការនៃ អ.ដ.ក. បានដឹកនាំគណៈប្រតិភូ នៃ អ.ដ.ក. ដើម្បីជួបប្រជុំជាមួយ គណ:កម្មាការទី១ ដឹកនាំដោយឯកឧត្ដម ងី ច័ន្រ្ទផល និងគណ:កម្មការទី៥ ដឹកនាំដោយ ឯកឧត្ដមបណ្ឌិត ឈីវ យីស៊ាង រួមនិងគណ:កម្មការនានានៃព្រឹទ្ធសភា ដេីម្បីពិភាក្សា និងឈ្វេងយល់អំពីវឌ្ឍភាពការងារនៃការសម្រុះសម្រួលដោះស្រាយវិវាទក្រៅប្រព័ន្ធតុលាការ ក្នុងក្របខ័ណ្ឌនៃ អ.ដ.ក នៅវិមានព្រឹទ្ធសភា។
នៅក្នុងកិច្ចប្រជុំនេះ តំណាង អ.ដ.ក. បានបង្ហាញជូន គណៈកម្មការសិទ្ធមនុស្ស ទទួលពាក្យបណ្ដឹងនិងអង្កេត និងអធិកាកិច្ច និងតំណាងគណ:កម្មការនានានៃព្រឹទ្ធសភា អំពីយន្តការនៃដោះស្រាយវិវាទក្រៅប្រព័ន្ធតុលាការក្នុងក្របខ័ណ្ឌនៃ អ.ដ.ក. និងសមិទ្ធផលការងារសំខាន់ៗ ដែល អ.ដ.ក. សម្រេចបាននាពេលកន្លងមក។ ជាមួយគ្នានេះ ភាគីទាំងពីរ ក៏បានពិភាក្សា និងផ្លាស់ប្ដូរមតិយោបល់គ្នាទៅវិញទៅមក ក្នុងគោលដៅ ដើម្បីធ្វើឱ្យយន្តការនៃការសម្រុះសម្រួលដោះស្រាយវិវាទក្រៅប្រព័ន្ធតុលាការ នៅក្នុងប្រទេសកម្ពុជា កាន់តែមានប្រសិទ្ធិភាពខ្ពស់។
គណៈកម្មការសិទ្ធមនុស្ស ទទួលពាក្យបណ្ដឹងនិងអង្កេត និងអធិកាកិច្ច នៃព្រឹទ្ធសភា បានធ្វើការវាយតម្លៃខ្ពស់ និងកោតសរសេីរចំពោះសមិទ្ធផលការងាររបស់ អ.ដ.ក. ដែលសម្រេចបាន ដេីម្បីជាប្រយោជន៍របស់ប្រជាពលរដ្ឋ និងសង្គមជាតិ។
