នារសៀល ថ្ងៃទី១៧ ខែមីនា ឆ្នាំ២០២៦ ដោយបដិបត្តិតាមការណ៍ណែនាំដ៏ខ្ពង់ខ្ពស់របស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក., ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គលេខាធិការនៃ អ.ដ.ក. បានដឹកនាំកិច្ចប្រជុំផ្ទៃក្នុងអគ្គលេខាធិការដ្ឋាននៃ អាជ្ញាធរជាតិដោះស្រាយវិវាទក្រៅប្រព័ន្ធតុលាការ។
កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ លោក លោកស្រី ថ្នាក់ដឹកនាំនៃអគ្គលេខាធិការដ្ឋាននៃ អ.ដ.ក. ដើម្បីពិភាក្សាលើរបៀបវារៈ ដូចខាងក្រោម៖
១-ការពង្រឹងប្រសិទ្ធភាពការងាររបស់អគ្គលេខាធិការដ្ឋាន និងចំណាត់ការសំណុំរឿងរបស់ អ.ដ.ក.
២-ការត្រៀមសម្រាប់ការរៀបចំសិក្ខាសាលាពិគ្រោះយោបល់ថ្នាក់ជាតិរបស់ អ.ដ.ក.
៣-បញ្ហាប្រឈមផ្សេងៗ និងទិសដៅការងារបន្ត។
