ឯកឧត្តម លាវ ពិសិដ្ឋ អគ្គលេខាធិការរង នៃអគ្គលេខាធិការដ្ឋាន នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានដឹកនាំសហការីចូលរួមក្នុងវគ្គបណ្តុះបណ្តាលស្តីពីនីតិវិធី និងគោលការណ៍នៃការដោះស្រាយវិវាទក្រៅប្រព័ន្ធតុលាការក្នុងក្របខ័ណ្ឌនៃ អ.ដ.ក. នៅមជ្ឈមណ្ឌលបណ្តុះបណ្តាលរបស់ធនាគារវឌ្ឍនៈអាស៊ី ចំកាត់ (ធនាគារ ABA)
ឯកឧត្តម លាវ ពិសិដ្ឋ អគ្គលេខាធិការរង នៃអគ្គលេខាធិការដ្ឋាន នៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានដឹកនាំសហការីចូលរួមក្នុងវគ្គបណ្តុះបណ្តាលស្តីពីនីតិវិធី និងគោលការណ៍នៃការដោះស្រាយវិវាទក្រៅប្រព័ន្ធតុលាការក្នុងក្របខ័ណ្ឌនៃ អ.ដ.ក. នៅមជ្ឈមណ្ឌលបណ្តុះបណ្តាលរបស់ធនាគារវឌ្ឍនៈអាស៊ី ចំកាត់ (ធនាគារ ABA)
----------------------------------
នៅថ្ងៃចន្ទ ៥កើត ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែមិថុនា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក. និងដោយទទួលបានការចាត់តាំងពី ឯកឧត្តម យ៉ម ផារ៉ូត អគ្គលេខាធិការ នៃ អ.ដ.ក., ឯកឧត្តម លាវ ពិសិដ្ឋ អគ្គលេខាធិការរង នៃ អ.ដ.ក. បានដឹកនាំសហការីចូលរួមក្នុងវគ្គបណ្តុះបណ្តាលស្តីពីនីតិវិធី និងគោលការណ៍នៃការដោះស្រាយវិវាទក្រៅប្រព័ន្ធតុលាការក្នុងក្របខ័ណ្ឌនៃ អ.ដ.ក. នៅមជ្ឈមណ្ឌលបណ្តុះបណ្តាលរបស់ធនាគារវឌ្ឍនៈអាស៊ី ចំកាត់ (ធនាគារ ABA)។
វគ្គបណ្តុះបណ្តាលនេះ ត្រូវបានរៀបចំឡើងក្នុងគោលបំណងផ្សព្វផ្សាយអំពីបេសកកម្មរបស់ អ.ដ.ក. និងបញ្រ្ជាបការយល់ដឹងអំពីនីតិវិធី និងបែបបទនៃការដោះស្រាយវិវាទក្នុងក្របខ័ណ្ឌនៃ អ.ដ.ក. ជូនដល់បុគ្គលិកធនាគារវឌ្ឍនៈអាស៊ី ចំកាត់ (ធនាគារ ABA)។ វគ្គបណ្តុះបណ្តាលនេះ ក៏មានការអញ្ជើញចូលរួមពីថ្នាក់ដឹកនាំនៃ ធនាគារ ABA ព្រមជាមួយបុគ្គលិកទទួលបន្ទុកការងារវិស័យច្បាប់ និងដោះស្រាយវិវាទ ដែលអញ្ជើញមកពីស្នាក់ការកណ្តាល និងសាខានៃធនាគារ ABA ដែលមានចំនួនសរុបប្រមាណ ៣០នាក់។
