ឯកឧត្ដម សុខ បូរ៉ា អគ្គលេខាធិការរងនៃ អ.ដ.ក. និងសហការី បានទទួលជួបជាមួយតំណាងអង្គការជនជាតិដើមភាគតិចកម្ពុជា (CIPO)
នៅថ្ងៃពុធ ៧កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៥ ខែមីនា ឆ្នាំ២០២៥ ដោយទទួលការអនុញ្ញាតដ៏ខ្ពង់ខ្ពស់ពី ឯកឧត្ដម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ និងតាមការចាត់តាំងពី ឯកឧត្ដម យ៉ម ផារ៉ូត អគ្គលេខាធិការនៃ អ.ដ.ក., ឯកឧត្ដម សុខ បូរ៉ា អគ្គលេខាធិការរងនៃ អ.ដ.ក. និងសហការី បានទទួលជួបជាមួយតំណាងអង្គការជនជាតិដើមភាគតិចកម្ពុជា (CIPO) ដើម្បីពិនិត្យ និងពិភាក្សាលទ្ធភាពលើកិច្ចសហប្រតិបត្តិការក្នុងការលើកកម្ពស់យន្តការដោះស្រាយវិវាទក្រៅប្រព័ន្ធតុលាការរបស់ប្រជាពលរដ្ឋជនជាតិដើមភាគតិចនៅតំបន់ភូមិភាគឦសាន។
