លោកជំទាវ ជា វាសនា រដ្ឋលេខាធិការនៃក្រសួងយុត្តិធម៌ និងជាសមាជិក អ.ដ.ក.  តំណាងដ៏ខ្ពង់ខ្ពស់ ឯកឧត្តម ឧបនាយកនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក.​ បានអញ្ជេីញដឹកនាំសម្របសម្រួលនូវវគ្គបណ្តុះបណ្តាលគ្រូបង្គោល(TOT) និងជំនាញដោះស្រាយវិវាទបន្ថែម​ ពិសេសសម្រាប់ដោះស្រាយវិវាទជូនប្រជាពលរដ្ឋរស់នៅតំបន់ជនជាតិដើមភាគតិច និងតំបន់ដាច់ស្រយាល

     នាថ្ងៃពុធ ៣ កើត និងថ្ងៃព្រហស្បតិ៍ ៤កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧-​៨​ ខែសីហា ឆ្នាំ២០២៤ នៅអគ្គលេខាធិការដ្ឋាននៃ​ អ.ដ.ក.​,​ លោកជំទាវ ជា វាសនា រដ្ឋលេខាធិការនៃក្រសួងយុត្តិធម៌ និងជាសមាជិក អ.ដ.ក.  តំណាងដ៏ខ្ពង់ខ្ពស់ ឯកឧត្តម ឧបនាយកនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន អ.ដ.ក.​ បានអញ្ជេីញដឹកនាំសម្របសម្រួលនូវវគ្គបណ្តុះបណ្តាលគ្រូបង្គោល(TOT) និងជំនាញដោះស្រាយវិវាទបន្ថែម​ ពិសេសសម្រាប់ដោះស្រាយវិវាទជូនប្រជាពលរដ្ឋរស់នៅតំបន់ជនជាតិដើមភាគតិច និងតំបន់ដាច់ស្រយាល។ ក្នុងវគ្គបណ្តុះបណ្តាលនេះ​ ក៏មានវត្តមាន លោក ហាសា ហ្វឺណាន់ដូ​ (Harsha Fernando) ជាមេធាវី សន្ធានការី និងជាអ្នកជំនាញចរចាប្រចាំតំបន់​ បានចូលរួមជាវាគ្មិនចែករំលែកជំនាញដោះស្រាយវិវាទផ្អែកលើគុណតម្លៃនៃទំនាក់ទំនងរបស់ភាគី និងជំនាញចរចាផ្អែកលើគុណតម្លៃនេះ ដល់មន្រ្តីសម្រុះសម្រួលដោះស្រាយវិវាទ​ ដែលជាក្រុមការងារអនុវត្តគម្រោងចុះដោះស្រាយវិវាទជូនប្រជាពលរដ្ឋរស់នៅតំបន់ជនជាតិដើមភាគតិច​ និងតំបន់ដាច់ស្រយាល។ វគ្គបណ្ដុះបណ្ដាលរយ:ពេល​ ២​ ថ្ងៃនេះ​ ត្រូវបានរៀបចំទ្បេីងដេីម្បីពង្រឹងសមត្ថភាពដល់មន្ត្រីសម្រុះសម្រួលដោះស្រាយវិវាទ​ ឱ្យក្លាយជាគ្រូបង្គោល​ជំនាន់ទី១​ និងដែលជាក្រុ​មការងារអនុវត្តគម្រោង​ខាងលេី​ សំដៅបង្កេីនសមត្ថភាព​មន្ត្រី​អនុវត្តគម្រោង​ ដែលនឹងត្រូវចុះធ្វេីការផ្សព្វផ្សាយ​ និងបណ្តុះបណ្តាលបន្ត​លេីជំនាញសម្រុះសម្រួលដោះស្រាយវិវាទ​ ដល់មន្រ្តីពាក់ព័ន្ធនៅថ្នាក់រដ្ឋបាលក្រោមជាតិ​ ឱ្យមានសមត្ថភាពជំនាញដោះស្រាយវិវាទនៅមូលដ្ឋានខ្លួនផ្ទាល់ប្រកបដោយនិរន្តរភាព​ និងប្រសិទ្ធភាពខ្ពស់។ សូមបញ្ជាក់ផងដែរថា​ គម្រោងចុះដោះស្រាយ​វិវាទ​ជូនប្រជាពលរដ្ឋនៅតំបន់ជនជាតិដើមភាគតិច​ និងតំបន់ដាច់ស្រយាល គឺជាគម្រោងមួយដែលបង្កេីតទ្បេីងក្រោមការផ្តួចផ្តើមដោយ ឯកឧត្តម​ កើត រិទ្ធ​ ឧបនាយករដ្ឋមន្ត្រី​ និងជាប្រធាន អ.ដ.ក. ដោយបានគិតគូរយកចិត្តទុកដាក់​ដល់​ការដោះស្រាយវិវាទជូនប្រជាពលរដ្ឋ​ ពិសេសជនជាតិ​ដើមភាគតិច​ និងប្រជាពលរដ្ឋនៅតំបន់ដាច់ស្រយាល​ សំដៅលើក​​កម្ពស់សិទ្ធិទទួលបានយុត្តិធម៌​ និងធានាបាន​នូវសុខសន្តិភាព ភាពសុខដុមរមនាក្នុងសហគមន៍ជនជាតិ និងសង្គមជាតិ។

ព័ត៌មាន ថ្មីៗ

...

ថ្ងៃចន្ទ ទី៣០ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមាន លោកស្រី ពេជ ចរិយា និងលោក ចាន់ ណាលីន បានសម្រុះសម្រួលផ្សះផ្សាបញ្ចប់វិវាទពាក់ព័ន្ធនឹងកិច្ចសន្យាខ្ចីប្រាក់បានដោយជោគជ័យ របស់ប្រជាពលរដ្ឋរស់នៅរាជធានីភ្នំពេញ។

...

ថ្ងៃសុក្រ ១៥ រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានអាជ្ញាធរជាតិដោះស្រាយវិវាទក្រៅប្រព័ន្ធតុលាការ (អ.ដ.ក.) បានអញ្ជើញដឹកនាំកិច្ចប្រជុំលើកទី៩ របស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ ដែលកិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម សុខ សូកេន រដ្ឋមន្ត្រីក្រសួងអធិការកិច្ចនិងជាអនុប្រធាននៃ​ អ.ដ.ក., ឯកឧត្តម លោកជំទាវ ជាថ្នាក់ដឹកនាំ និងសមាជិកនៃ អ.ដ.ក. និងថ្នាក់ដឹកនាំនៃអគ្គលេខាធិការដ្ឋាននៃ អ.ដ.ក.​ ព្រមទាំងថ្នាក់ដឹកនាំក្រសួងយុត្តិធម៌ និងមន្ត្រីពាក់ព័ន្ធមួយចំនួនទៀត។

...

ខេត្តកំពង់ស្ពឺ÷ នាថ្ងៃទី២១ ខែកុម្ភៈ ឆ្នាំ២០២៥ ដោយមានការស្នើសុំពីគូភាគី និងដោយទទួលបានកិច្ចសហការល្អពីអាជ្ញាធរមូលដ្ឋាន, មន្ត្រីសម្រុះសម្រួលដោះស្រាយវិវាទនៃ អ.ដ.ក. រួមមាន លោក កែវ សង្រួម និង លោក សឿន សុភក្តិ បានចុះធ្វើការសម្រុះសម្រួលដោះស្រាយវិវាទជូនដល់ប្រជាពលរដ្ឋនៅមូលដ្ឋាន លើសំណុំរឿងពាក់ព័ន្ធនឹងវិវាទក្នុងគ្រួសារ ដែលមានទីតាំងស្ថិតនៅស្រុកបសេដ្ឋ ខេត្តកំពង់ស្ពឺ។

...

ថ្ងៃពុធ ទី១១ ខែធ្នូ ឆ្នាំ២០២៤ មន្រ្តីសម្រុះសម្រួលដោះស្រាយវិវាទនៃ អ.ដ.ក. រួមមានលោក វ៉ាន់ ប៊ុនថន, លោក ណុប គុជ និងលោកស្រី ណុប ចាន់លក្ខិណា បានសម្រុះសម្រួលផ្សះផ្សាបញ្ចប់វិវាទមួយករណីពាក់ព័ន្ធនឹងវិវាទកិច្ចសន្យាខ្ចីប្រាក់ បានដោយជោគជ័យ។

...

មន្ត្រីសម្រុះសម្រួលដោះស្រាយវិវាទនៃ អ.ដ.ក. ចំនួន ៣ រូប រួមមាន លោក គិម ពេជ្រដា, លោក វ៉ែន គន្ធា និងលោក ប៉ាក ចាន់ផល បានសម្រុះសម្រួលដោះស្រាយបញ្ចប់ដោយជោគជ័យនូវវិវាទពាក់ព័ន្ធនឹងកិច្ចសន្យាខ្ចីប្រាក់ ចំនួន​ ១ សំណុំរឿង ដោយមានការព្រមព្រៀងពីគូភាគីវិវាទ

...

វេលាម៉ោង ១២ ថ្ងៃត្រង់ ថ្ងៃអង្គារ ១០ កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែធ្នូ ឆ្នាំ២០២៤, ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាអនុប្រធានប្រចាំការអាជ្ញាធរជាតិដោះស្រាយវិវាទក្រៅប្រព័ន្ធតុលាការ បានផ្តល់បទសម្ភាសន៍កិច្ចពិភាក្សាផ្សាយផ្ទាល់ ជាមួយទូរទស្សន៍ CNC អំពី “បេសកកម្ម សកម្មភាពការងារ និង លទ្ធផលការងាររយៈពេលមួយឆ្នាំ របស់អាជ្ញាធរជាតិដោះស្រាយវិវាទក្រៅប្រព័ន្ធតុលាការ” ។